الأزمة الصحية العالمية ستأسس لعقد اجتماعى جديد وعهد اقتصادى جديد وعلى مستوى البيزنس مفاهيم كتير هتتغير
أولا المصطلحات : زى الكفاءة والجدارة وتعريفات الربح والخسارة والشراكة ومصطلحات كتير تانيه فى علوم إدارة التغييرهتتغير ، ناهيك عن أنواع الخطط اللي هتتوجه أكتر للتخطيط قصير ومتوسط المدي عن التخطيط طويل المدي ( الاستراتيجي )
الناس اللى عندها حلول للأزمات واللى دارسه علوم الاحصاء قيمتهم هتزيد فى المستقبل
ثانيا التوجه الاستثمارى : جزء كبير منه هيتم توجيهه للملف الصحي بشكل عام ( مستشفيات- أجهزة طبية - مستلزمات- أبحاث- أدوية - الخ )
ثالثا عقود العمل : بالنسبه لعقود العمل هيحصل فيها تغيرات جزريه والاتجاه هيكون اكتر
Free lance و Part timers .
رابعا الرواتب والأجور: هيبقى مبنى اكتر على الـ
Org-based pay
او الدفع المبنى على تحقيق الشركه ككل وأنظمة الدفع الفردي هتقل كتير
وعلى المستوى الاجتماعى مفاهيم كتير هتتغير واعتقد داخلين على مرحلة تحفظ عالية جدا
خامسا التكنولوجيا : الطفرة اللى كان مخطط ليها فى الذكاء الاصطناعي هتكون أكثر تسارعا وهتركز أكتر على تقليل الاعتمادية على البشر وخاصة في الأعمال كثيفة العمالة
السؤال بقي : مستعد للكلام ده ؟
